Gladiator | 2000
مشهد البداية من الفيلم الملحمي اللي بيؤكّد براعة مخرجه "ريدلي سكوت"، وقدرته على إنه يخلق حالة التشويق من الثواني الأولى للفيلم، وكمان يرسم شخصية البطل في أقل من دقيقة من غير كلام. المشهد بيبدأ باللقطة الشهيرة لحقل القمح - اللي في إعتقادي رمز لحياة بطل الفيلم المسالمة كمزارع قبل الحرب - وإيديه اللي بتلمس أطراف العشب تحت ضوء الشمس، وفي الخلفّية موسيقى تبدو وكأنها همهمة حزينة بتكمّل الصورة اللي بنشوفها. بعد لقطة الحقل مباشرة، بيظهر القائد "ماكسيموس" في لقطة متوسطة وهو بيرفع عينيه وبيبص على حاجة قدّامه بتركيز. اللقطة دي إستمرت لأكتر من عشر ثواني عشان المشاهد يتعرّف على ملامح وشه وتفاصيل الزي الحربي اللي لابسه. هتلاحظوا هنا الفرق الشاسع بين تيمة الألوان المشرقة في لقطة حقول القمح، وبين اللون الأزرق الشاحب والإضاءة القاتمة على وش "ماكسيموس"، واللي بالمناسبة هيفضلوا متواجدين بكثافة في ال 25 دقيقة الأولى من الفيلم.
من أجمل الحاجات في المشهد هي لقطة الطائر و "ماكسيموس" بيبص عليه قبل ما يطير بعيد. المخرج في أقل من 15 ثانية وضّح لنا المشاعر اللي بيمر بيها بطل الفيلم، وكأنه بيفكّر إن الطائر ده له مطلق الحرية إنه يبعد عن الخطر في أي وقت، في حين إن "ماكسيموس" مجبّر إنه يفضل مربوط بشدة للحرب اللي جايه. لاحظوا الكلوز-آب على وش "راسل كرو"، وشبح الابتسامة اللي بيظهر على وشه لثوان معدودة، وبعدها بيرجع بسرعة لحالة التجهم مرة تانية.
المشاهد هيلاحظ إن الدقيقة الأولى مافيهاش تقريباً أي أصوات من الفيلم نفسه غير الموسيقى التصويرية وصوت أجنحة الطائر. بعد كده بيبدأ الدخول العبقري لأصوات الفيلم الأصلية زي حوافر الخيول وكلام الجنود وهكذا، مع الموسيقى التصويرية الملحمية ل "هانز زيمر" والمختلفة تماماً عن موود الموسيقى في الدقيقة الأولى. في الجزء ده هتشوفوا روعة التصوير من خلال اللقطات الواسعة وزوايا الكاميرا المختلفة والاهتمام بكل تفصيلة عشان توضّح مساحة ميدان القتال، ومدى ضخامة الجيوش اللي هتحارب. في الجزء ده "ريدلي سكوت" بيكمّل رسم شخصية "ماكسيموس" وهو ماشي في وسط الجنود، وبيسلم عليهم ويشجّعهم قبل بداية المعركة.
الفيلم ده أخد خمس جوايز أوسكار من ضمنها أفضل فيلم وأفضل ممثل للنجم "راسل كرو"، وإترشح ل 7 جوايز أوسكار من ضمنها أفضل موسيقى تصويرية للرائع "هانز زيمر" اللي تقريباً بقيت بأقول اسمه في كل بوست باكتبه 🙂. تقدروا تشوفوا المشهد على لينك يوتيوب دي. مشهد المعركة نفسه مدته 7 دقايق وموجود في اللينك اللي في أول كومنت.
https://youtu.be/-MYxtpGxGJI
#BehindTheScenesEgypt
مشهد البداية من الفيلم الملحمي اللي بيؤكّد براعة مخرجه "ريدلي سكوت"، وقدرته على إنه يخلق حالة التشويق من الثواني الأولى للفيلم، وكمان يرسم شخصية البطل في أقل من دقيقة من غير كلام. المشهد بيبدأ باللقطة الشهيرة لحقل القمح - اللي في إعتقادي رمز لحياة بطل الفيلم المسالمة كمزارع قبل الحرب - وإيديه اللي بتلمس أطراف العشب تحت ضوء الشمس، وفي الخلفّية موسيقى تبدو وكأنها همهمة حزينة بتكمّل الصورة اللي بنشوفها. بعد لقطة الحقل مباشرة، بيظهر القائد "ماكسيموس" في لقطة متوسطة وهو بيرفع عينيه وبيبص على حاجة قدّامه بتركيز. اللقطة دي إستمرت لأكتر من عشر ثواني عشان المشاهد يتعرّف على ملامح وشه وتفاصيل الزي الحربي اللي لابسه. هتلاحظوا هنا الفرق الشاسع بين تيمة الألوان المشرقة في لقطة حقول القمح، وبين اللون الأزرق الشاحب والإضاءة القاتمة على وش "ماكسيموس"، واللي بالمناسبة هيفضلوا متواجدين بكثافة في ال 25 دقيقة الأولى من الفيلم.
من أجمل الحاجات في المشهد هي لقطة الطائر و "ماكسيموس" بيبص عليه قبل ما يطير بعيد. المخرج في أقل من 15 ثانية وضّح لنا المشاعر اللي بيمر بيها بطل الفيلم، وكأنه بيفكّر إن الطائر ده له مطلق الحرية إنه يبعد عن الخطر في أي وقت، في حين إن "ماكسيموس" مجبّر إنه يفضل مربوط بشدة للحرب اللي جايه. لاحظوا الكلوز-آب على وش "راسل كرو"، وشبح الابتسامة اللي بيظهر على وشه لثوان معدودة، وبعدها بيرجع بسرعة لحالة التجهم مرة تانية.
المشاهد هيلاحظ إن الدقيقة الأولى مافيهاش تقريباً أي أصوات من الفيلم نفسه غير الموسيقى التصويرية وصوت أجنحة الطائر. بعد كده بيبدأ الدخول العبقري لأصوات الفيلم الأصلية زي حوافر الخيول وكلام الجنود وهكذا، مع الموسيقى التصويرية الملحمية ل "هانز زيمر" والمختلفة تماماً عن موود الموسيقى في الدقيقة الأولى. في الجزء ده هتشوفوا روعة التصوير من خلال اللقطات الواسعة وزوايا الكاميرا المختلفة والاهتمام بكل تفصيلة عشان توضّح مساحة ميدان القتال، ومدى ضخامة الجيوش اللي هتحارب. في الجزء ده "ريدلي سكوت" بيكمّل رسم شخصية "ماكسيموس" وهو ماشي في وسط الجنود، وبيسلم عليهم ويشجّعهم قبل بداية المعركة.
الفيلم ده أخد خمس جوايز أوسكار من ضمنها أفضل فيلم وأفضل ممثل للنجم "راسل كرو"، وإترشح ل 7 جوايز أوسكار من ضمنها أفضل موسيقى تصويرية للرائع "هانز زيمر" اللي تقريباً بقيت بأقول اسمه في كل بوست باكتبه 🙂. تقدروا تشوفوا المشهد على لينك يوتيوب دي. مشهد المعركة نفسه مدته 7 دقايق وموجود في اللينك اللي في أول كومنت.
https://youtu.be/-MYxtpGxGJI
#BehindTheScenesEgypt
ليست هناك تعليقات:
إرسال تعليق