فيلم الزهايمر

ف فيلم الزهايمر سعيد صالح ل عادل إمام ابقي إسأل عليا يا محمود، متعملش زيهم وتروح وتنساني !!

1-بنت بتحكيلي بتقولي انها مره سافرت من سوهاج نزلت اسكندريه عشان تحضر فرح ابن عمها.. بتقولي يوم الفرح يا أحمد كنت نايمه لوحدي ف شقتنا صحيت م النوم لقيت البيت فاضي و ولاد عمي اللي سافرتلهم يجي 10ساعات مشيوا وسابوني ولما كلمتهم اشوف في ايه قالولي "نسينا" البسي و هنتصرف نبعت حد ياخدك دلوقت...

2- شاب بيحكي بيقول عمو كان مسافر و كنت دايماً بكلمه و اطمن عليه و كده و لما جه لقيته جايب هدايا لاخواتي كلهم و لما شافني قالي ايه ده انا ازاي "نسيت" و نزل بعدها اشترالي حجات زيهم و اكتر بس بعد ايه؟ بعد ما نسي :")

3- بنت بتحكي  بتقول كان فرح صاحبتنا و كانت علاقتي بيها كويسه جداً المهم دخلت اباركلها ف الشات و كده لقيتها بتقولي.. اسفه انا "نسيت" اجبلك كارت دعوة الفرح بس انتي كده كده جايه وبتاع.. و عرفت بعدها انها بعتت كروت لكل صحابنا تقريبا و نسيتني :")

4-بنت بتحكي بتقول كان عيد ميلادي و كنت قافله الميديا و كده و صاحبتي الأنتيم و اقرب واحده ليا مقالتليش حتي كل سنه و انتي طيبه و جت بعدها بكام يوم جيبالي هدايا و بتاع و بتقولي معلش "نسيت"يومها خالص والله..

5-بنت بتحكي بتقول كنت بعتبرهم صحابي و بحبهم خالص بس ف مره بقولهم عاوزين نبقا ننزل نشوف بعض قالولي احنا نزلنا اول امبارح بس "نسينا" نكلمك...
-كانت حصه مهمه 6 الصبح و اتفقنا نصحي بعض... قومت لقيت الساعه 8 فاتصلت بيهم عشان نضحك علي نفسنا و كده بس لقيتهم بيقولولي اقفل احنا ف الحصه معلش "نسينا" نكلمك الصبح....

6-شاب بيحكي بيقول مكانش ليا غيرهم و معتبرهم اكتر من اخواتي و بتاع و هما برضو كانو موصلينلي كده لحد ف مره ما لقيتهم رافعين صوره هما الاربعه ف اسكندريه و لما عملت كومنت قالولي والله لو كنا افتكرنا كنا قولنالك جيت معانا...

7-شاب بيحكي بيقول كنت رايح عند جدي بالصدفه لقيت كل ولاد خوالي و خالاتي هناك فطبعا انبسطت جداً و كنت فرحان بيهم لحد ما قالولي احنا متفقين م الاسبوع اللي فات بس"نسينا" نقولك..

8- شاب بيحكي بيقول مره كنت غايب انا و شلتي بس واحد مننا راح عشان كان عنده سيكشن مهم، سمع عن رحله جامده فراح حجز ليهم هما التلاته و" نسيوني

كام مره عيطت بسبب حاجه تافهه بس انت مكنتش بتعيط بسبب الحاجه دي، انت بتعيط عشان "نسيوك"
احساس انك منسي احساس صعب جداً بيكرهك ف نفسك و بيعيشك حاله غريبه جداً من الندم علي انك اتعشمت فيهم اصلاً
، هما نسيوني ليه؟!
هما #نسيوني ليه و حطوا كل حاجه قبلي مع اني دايماً حاططهم ف الأول و عمري ما نسيتهم !! 💔

ق

أضرب الأطباء

ـ أضرب الأطباء في كولومبيا لمدة 52 يوم عام 1973 فانخفضت نسبة الوفيات بنسبة 35%.
ـ أضرب الأطباء في فلسطين لمدة شهر عام 1973 فأنخفضت نسبة الوفيات بنسبة 55% .
ـ إضراب جزئي للأطباء في لوس أنجلوس عام 1976 أدى ل إنخفاض نسبة الوفيات بنسبة 18%.
ـ يعني كلما زاد نشاط الأطباء كلما زادت الوفيات هذا ملخص دراسات ذكرها البروفيسور ريموند فرانسس الذي لا يؤمن بمعظم تدخلات الطب الحديث ويرى ان الطب الحديث يعالج الأعراض فقط ولا يغوص ويحلل المرض على مستوى الخلية حيث أصل المرض يبدأ بإصابة خلية واحدة وعلاج هذة الخلية المريضة يتم بإحدى طريقتين أو بكليهما:
"تزويد الخلية بالعناصر المغذية التي كان نقصها سبب المرض" إزالة السموم المتراكمة.
ـ أما عن تفسير الدراسات للعلاقة الطردية بين نشاط الأطباء ونسبة الوفيات فترجع إلى عدة عوامل كالتالي:
ـ عمليات جراحية غير ضرورية
ـ الأدوية الموصوفة والتي يرى البروفيسور رايموند أنها الكارثة الحقيقية لأنها في المعظم تحتوي على مركب او اكثر من المركبات الكيميائية السامة ناهيك عن التداخلات ونتائجها بين صنفين او اكثر من الأدوية.

المصدر ؛
*كتاب لن تمرض بعد الآن.*
*"رايموند فرنسيس"*

وظيفتك مُهددة بالانقراض!

وظيفتك مُهددة بالانقراض!

تركب تاكسي ولا أوبر؟.. من حوالي 5 سنين السؤال ده مكنش موجود أصلًا، عشان لو مكنش معاك عربية وعاوز تخلص مشوارك بسرعة أو متبهدلش نفسك في المواصلات، كنت بتركب تاكسي.

دلوقتي الموضوع اختلف، بقى عندك كذا اختيار عشان توصل لوجهتك بالشكل إللي إنت عاوزه، الاختيار ده أدى لإن وظيفة سائق التاكسي ممكن نشوفها بتنقرض خلال السنين القليلة الجاية، نتيجة وجود أكتر من منافس في مجال النقل دلوقتي، وإلي ممكن يكونوا بيفرولك خدمات أحسن من إلي التاكسي العادي بيقدمهالك.

في مجال الصحافة مثلًا، لو إنت مش من هواة قراءة الجرايد الورقية، افتكر معايا كده إمتى أخر مرة اشتريت جورنال عشان تعرف أخر الأخبار منه؟ من زمن صح؟! لإن الصحافة الالكترونية والسوشيال ميديا قدروا من خلال الخدمات المختلفة إلي بيوفروها ومدهم للأخبار المختلفة بشكل مستمر، إنهم يجذبوك بشكل أكبر من الصحف الورقية.

بخلاف سائق التاكسي ومجال الصحافة الورقية، "Forbes" وموقع "Career Cast" المتخصص في التوظيف أكدوا على وجود مجموعة كبيرة من الوظائف المُهددة بالانقراض خلال الـ10 سنين الجاية، زي:
"الكاشير": رغم انتشار الوظيفة دي في مصر بشكل كبير خلال الوقت الحالي، إلا إن كل التوقعات بتؤكد إنها هتختفي بشكل تدريجي على مدار الـ10-15 سنة الجايين.

السبب الأساسي ورا الاختفاء ده بيرجع لحاجتين أساسيتين، أول حاجة فيهم هي تطور برامج المحاسبة الذاتية والاستعانة بيها في عدد كبير من الشركات والسوبر ماركت والمطاعم، بالإضافة لانتشار طرق الدفع الالكتروني، وإلي هتخلي كل شخص في المستقبل يحاسب على أي سلعة أو خدمة بيشتريها عن طريق الموبايل بس!

"المُزارع": واحدة من ضمن الوظائف اللي بتنقرض فعلًا في الوقت الحالي هي وظيفة المُزارع! والدليل على كده هي إن أمريكا مثلًا، واللي كانت بتعتبر واحدة من أكبر الدول الزراعية في العالم، بيشتغل فيها 2% بس من القوى العاملة في مجال الزراعة، وكمان العدد ده في تقلص مُستمر.

وبخلاف أمريكا، هنلاقي إن عدد كبير من الدول بدأت إنها تستعين بالأساليب التكنولوجية المختلفة في المجال الزراعي، عشان تقدر إنها تتنتج بصورة أكبر مع تقليل عدد المزارعين، وبالتالي بدأت مثلًا إنها تستعين بالجرارات الآلية عشان تقوم بعملية الحرث، وبطائرات "Drone" ذاتية القيادة عشان توزع البذور، بخلاف مجموعة كبيرة من تقنيات التلقيح الصناعي ومكافحة الحشرات وتطوير الأسمدة.

كل التقنيات دي تسببت بشكل مُباشر في إنها تقلل نسبة العاملين في المجال الزراعي من 81% لـ48% في الفترة من 1950 لـ2010، في الدول النامية، ومن 35% لـ4.2% في الدول المتقدمة خلال نفس الفترة، والرقم ده في انخفاض مستمر خلال الفترة الحالية.

الطباعة والنشر الورقي:
رغم إن ظهور الكتب الالكترونية مأثرش بشكل كبير على سوق الكتب الورقية والطباعة والنشر في مصر "معدل إنتشارها 5% بس مقابل 95% للكتب الورقية" إلا إن ارتفاع سعر الورق خلال السنين القليلة الأخيرة، وتحديدًا بعد تعويم الجنيه، أصبح واقع بيهدد السوق ده في مصر "سعر طن الورق ارتفع من 6 ألاف جنيه قبل التعويم إلى 18 ألف بعد التعويم".

طبعًا الارتفاع ده في سعر الورق، أثر بشكل مباشر على أسعار الكتب، وبالتالي معدلات الشراء، وده إلي أجبر عدد كبير من دور النشر إنها تقلل إنتاجيتها وبالتالي مهنة الطباعة والنشر بقت مهددة بالانقراض.

كمان الارتفاع الكبير ده في سعر الورق يعتبر واحد من ضمن أبرز الأسباب إلي بتهدد الصحف الورقية بالانقراض، خاصة وإنه أجبر عدد كبير من الصحف دي إنها ترفع من سعر نسختها، وبالتالي قلل من نسب شرائها أكتر ماهي قليلة أصلًا "من 3.5 مليون نسخة في 2000 إلى 350 ألف نسخة في 2016".

طيب وهو ليه وظيفتك مُهددة بالانقراض؟!

"Forbes" وموقع "Career Cast" أكدوا على وجود أسباب كتير هتؤدي بشكل مُباشر  في انقراض عدد كبير من الوظائف في المستقبل.

ويجي من ضمن أبرز الأسباب دي هي التغير في المجتمع وتطور التكنولوجيا بشكل كبير على مدار السنين الجاية.

فبخلاف مثلًا سائق التاكسي أو المزارع أو العاملين في قطاع النشر والصحافة الورقية، هنلاقي وظائف تانية كتير على وشك الانقراض، زي موزع البريد "نتيجة ظهور البريد الالكتروني والسوشيال ميديا"، والتيلي سيلز "نتيجة ظهور برامج البيع الصوتي الالكتروني وتقنيات الذكاء الاصطناعي الصوتية".

لو دورنا عن العامل المشترك في السبب ورا اقتراب الوظايف دي من الانقراض، هنلاقي كلها مرتبطة إما بتطور التكنولوجيا أو نتيجة تغير ظروف المجتمع "زي إلي حصل في مجال الطباعة والنشر".

تطور التكنولوجيا دايمًا بيوفرلك البديل الأحسن والأريح بالنسبة لك، وبالتالي بتستخدمه ونتيجة لكده الخدمة الأساسية بتختفي تدريجيًا كل ما استخدامك للبديل بتاعها بيزيد "زي التاكسي العادي وUber".

الطريقة الوحيدة عشان متنقرضش مع الشغل بتاعك، هي إنك تبص لقدام دايمًا وتكيف نفسك على إنك تشتغل مع مختلف البدائل المتقدمة الممكنة للخدمة إلي وظيفتك ممكن تقدمها، وتكون دايمًا قابل لإنك تطور من نفسك.

هذه ليست متسولة أو لاجئة

هذه ليست متسولة أو لاجئة ضاقت بها الدنيا .. هذه تاريا هالونين رئيسة جمهورية فنلندا من سنة 2000 الى 2012، تربعت فيها فنلندا خلالها على قائمة افضل دول العالم بدون منازع في التعليم و الصحة و البنية التحتية و كانت شركاتها الاولى في العالم مثل نوكيا و بعضها لا يزال مثل فارتسيلا و الساعات الرياضية صوونتو و بولار هذا غير صناعة السفن الضخمة و الخشب و الورق و غيرها (مع ان عدد سكان فنلندا لا يتجاوز 5.5 مليون نسمة فقط هذا غير الطقس القاسي شتاء).
الصورة هي دعاية قامت خلالها الرئيسة السابقة بارتداء ملابس قديمة من محلات الملابس المستخدمة و جلست بدون مأوى لساعات طويلة لتشعر و يشعر الناس بمأساة اللاجئين و الفقراء. قالت أنها كان من الممكن أن تكون متسولة أو لاجئة و لكن الحظ جعل منها رئيسة دولة و هذا يجعلها تتعاطف مع من لم يحالفهم الحظ.

3 نصائح من أفضل رجل مبيعات في العالم

3 نصائح من أفضل رجل مبيعات في العالم .. جو جيرارد

مندوب المبيعات في مجال السيارات في العادي ممكن يبيع من 4 لـ 6 عربيات في شهر، جو جيرارد كان بيبيع 6 عربيات في اليوم الواحد! وخلال 14 سنة شغل في مجال المبيعات، باع أكتر من 13 ألف عربية، وحسب موسوعة جينيس للأرقام القياسية، جيرارد هو رجل المبيعات رقم 1 في العالم لأنه الشخص الوحيد اللي قدر يبيع 1425عربية جديدة في سنة واحدة.

والأرقام دي كلها تخلينا نسأل، كيف فعلها؟!
 السر كشف عنه جيرارد في حوار سجله مع مجلة هارفارد بيزنس ريفيو وفي كتابه " كيف تبيع أي شئ لأي أنسان "، وبعد قراءة الحوار ومراجعة سريعة للكتاب، ممكن نقول إن نجاح جيرارد في عالم المبيعات بيرجع لـ 3 أسباب رئيسية:

1 – لأن هدفه الأول كان رضا العملاء مش البيع
جيرارد مكنش هدفه أنه يبيع وياخد عمولته وخلاص، والصفقة بالنسباله مكنتش بتنتهي مع توقيع الأوراق واستلام العميل للعربية زي معظم رجال المبيعات، لا ده كان عايز يكسب رضا وولاء كل عميل بيشتري منه، عشان كده كان بيتابع معاهم بشكل مستمر، وبعد أسبوع من أستلام العربية، كان بيتصل بكل عميل ويسأله عن اداء العربية ويتأكد من رضاهم عن كل شئ ولو في أي مشكلة، يعمل كل اللي يقدر عليه عشان يحلها في أسرع وقت ممكن.

جيرارد كمان كان عارف ان الناس بتكره الانتظار في أقسام الصيانة والخدمات، عشان كده بمجرد ما العميل كان بيوصل مكان الصيانه، كان بيحرص جداً انه يكون معاه ويهتم بيه، وبيكلف أكتر من ميكانيكي بالكشف على العربية ، وبيتم تصليحها في مدة لا تتعدى الـ25 دقيقة وفي مقابل لا يزيد عن 20 دولار.

2 –لأنه كان بيحب عملائه وموظفيه 
جيرارد كان مدرك أن البيع لشخص اشترى منه بالفعل أسهل بكتير من جذب عميل جديد، عشان كده كل شخص اشترى عربية من جيرارد كان بيوصله بشكل شهري بطاقة في البريد مكتوبة بخط الأيد فيها تهنئة بالأعياد أو أخبار أو مراجعة كتاب أو مجرد كلمة " بحبك ".

جيرارد كمان كان عنده ملف لكل عميل بيتضمن تاريخ ميلاده هو وافراد اسرته والوظيفة والمجالات اللي كل عميل مهتم بيها عشان يقدر يخصص رسائله لكل شخص، وهو ده السر! أن العميل يحس انه شخص مميز ويحس بالاهتمام الحقيقي من جيرارد، وده طبعاً خلى جيرارد هو الشخص الأول اللي بيجي في بال العميل لو فكر أنه يشتري عربية تاني أو أي حد سأله يشتري عربية منين.

جيرارد كمان كان بيحب موظفيه وبيهتم بيهم، وكان مخصص يوم ثابت في الشهر للخروج مع كل الموظفين، وكان دايما بيشكرهم ويعرفهم أنه مقدر المجهود اللي كل شخص فيهم بيبذله كل يوم، إلى جانب أنه كان بيعمل كل سنة حفلة شوي في بيته وبيعزم فيها الموظفين وعائلاتهم، وكل ده خلى الموظفين يحبوا جيرارد وبيحبوا الشغل معاه، وبالتالي كل واحد منهم كان بيقدم أفضل ما عنده للعملاء.

3- لأنه كان رجل عادي وبسيط
معظم مندوبي المبيعات في مجال السيارات بيكونوا لابسين بدل وكرافتات وبيتعاملوا بشكل رسمي جداً مع العملاء، وده عكس اللي جيرارد كان بيعمله، لأنه كان مدرك أن الناس بتميل للتعامل مع الناس اللي شبههم عشان كده كان بيحاول دايماً يكون شبه العملاء اللي بيتعامل معاهم، يلبس زيهم ويتكلم زيهم، ومكنش بيلبس بدله ولا بيتكلم بطريقة رسمية وكان بيتعامل معاهم بطريقة ودية كأنهم أصدقائه، وطريقته البسيطة دي ساعدته يتفوق على جميع منافسيه في معارض السيارات الموجودة في الوقت ده.

كل ده ساعد جيرارد أنه يكتسب سمعة طيبة وخلق Word of Mouth عن شخصيته والخدمة المميزة اللي بيقدمها، وبعد سنين بدل ما هو اللي يسعى عشان يوصل للعملاء، الناس كانت بتاخد منه مواعيد عشان يبيع لهم!

وفي 2017 ظهر جو جيراد جديد بولاية ميشيجان في أمريكا وهو " علي رضا " موظف المبيعات في شركة لس ستانفورد اللي نجح أنه يبيع 1582 عربية في سنة واحدة ( 1269 عربية شيفروليه و 261 عربية كاديلاك ، بالإضافة إلى 52 عربية مستعملة ) ويحطم الرقم القياسي لجيراراد (1425 عربية).

وخلال مقابلة مع رضا، قال إن السبب الرئيسي لنجاحه هو بناء علاقات جيدة مع عملائه، ونزاهته في التعامل معاهم بمعنى أنه أوقات كتير كان بيطلب من العملاء أنهم يرجعوا بيوتهم و يوفروا فلوسهم ويرجعوا بعد سنة أو اتنين يشتروا العربية لما اوضاعهم المادية تبقى أفضل، وأحيانا كان ممكن يوجه الناس للشراء من منافسيهم لو بيقدموا سيارة تناسب العميل بشكل أفضل وكل ده ساعده على بناء ولاء العملاء وعلاقة طويلة الأمد معاهم.

جيرارد ورضا حققوا نجاح ومبيعات مرتفعة في عصور مختلفة، وفي ظل أنماط حياة مختلفة، لكن التشابه اللي ما بين نجاحهم بيأكد أهمية كسب رضا العملاء وخدمتهم بنزاهة وصدق وبناء علاقات طيبة معاهم والمحافظة على استمرار العلاقات دي.

10 نصائح نفسية لأوقات الامتحانات

10 نصائح نفسية لأوقات الامتحانات من المدرب ماهر شبانه

في العادة عندما يتحدثون عن الامتحانات تتركز النصائح حول طرق الدراسة ومناخها الأفضل ونصائح تخص التغذية وماشابه لكن اليوم سوف نتحدث عن قضايا نفسية تترافق مع الامتحانات لها من الخطورة أكثر مماسبق وربما تكون سببا" حقيقيا" لعدم القدرة على الوصول لجو مثالي للدرس أو التحصيل وهنا لنا من النصائح النفسية العديد :

1-من المعروف أن جو الامتحانات يسوده التوتر لذلك حاول أن لا توسع دائرة اختلاطك كي لايتم استفزازك وبالأخص من قبل الأشخاص الذين تعرفهم مزعجين فهذا سيشغل ذهنك بهم ويدمر استراتيجيات التركيز لديك
2-لاتحاول إتخاذ أي قرار في فترة الإمتحان بمايخص حياتك ومن الأفضل تأجيله للفترة اللاحقة لما بعد الامتحانات  قدر الإمكان في حال كان من الممكن ذلك
3-اعطي لوقتك 20% فقط للدراسة بأسلوب الدردشة مع صديقك أو صديقتك بمضمون المادة فهي تعطي نتائج أفضل من الدراسة لوحدك بنسبة 80%
4-حاول أن تغلق كل وسائل التواصل اذا لم تكن جاهزا" أو مرتاحا" للتواصل مع أحد لأن ذلك يسبب لك الكآبة لو دخلت بمشادة كلامية مع شخص فتتعامل معه باسقاط توترك عليه وربما تخسره في مثل هذه اللحظات
5-بشكل يومي أثناء فترة الامتحان من الضروري  أن تشاهد فديوهات تضحكك وتسعدك  لمدة نصف ساعة فهي تجدد نشاطك وتبعد عنك وساوس الكآبة من الدرس
6- لاتقارن نفسك بزملائك بأي شكل من الأشكال فهذا خطأ قاتل قد يتسبب بيأسك وربما تتخذ قرار بعدم جدارتك لتقديم الامتحان تحت ضغط هذا الشعور
7- في حال كان يزعجك الالتزام ببرنامج للدراسة فلا تلزم نفسك فيه لان ذلك سيزيد شعور الضغط عليك وحاول أن يكون الالتزام بالدرس طوعي ومحبب
8- مكان الدراسة وطريقة ترتيبه وديكوره يلعب دور مهم لراحتك النفسية في الدرس ويشدك دائما هذا المكان للبقاء أطول فترة فيه
9- من الأفضل تنويع طرق الدراسة لكل مادة لسهولة تذكرها وللابتعاد عن الروتين بأساليب للدراسة مبتكرة مثل أن تقدم الدرس بشكل افتراضي وكأنك مدرس للمادة أو أن تقوم بنشر فقرة عجزت عن حفظها على الفيسيوك ومن خلال تكرارها والتفاعل مع المتابعين سيجعلك تتذكرها بشدة
10- لاتحاول أن تأخذ اساليب للحفظ جاهزة من الاخرين فربما لاتناسب نمطك العقلي وحاول أن تستقر على أساليبك الخاصة المجربة والمضمونة
_ المدرب ماهر شبانه

الدكتور ده هو Donald L. Unger ..

الدكتور ده هو Donald L. Unger ..

وهوا صغير في الخمسينات كان قاعد بيطقطق صوابعه عادي زي اي حد، فا امه قفشته وزعقتله عشان الطقطقة بتضعف المفاصل، فا دونالد مصدقش وسأل قرايبه اللي كلهم اكدوا ان طقطقة الصوابع بتضعف المفاصل ومتعملش كدة تاني ..

لكن دونالد كان شايف انه عادي يعني مش حوار، فا قرر يتحدى الكل خاصة امه، وبدأ تجربة علمية شديدة التعقيد قايمة علي الدراسة التحليلية علي المدى البعيد، وهي انه كل يوم من سنة ١٩٥٨م يطقطق صوابع ايده الشمال بس مرتين، مرة الصبح ومرة بالليل، وايديه اليمين يسيبها ميطقطقهاش ..

قعد خمسين سنة يعمل كدة، امه تخش عليه تقوله قوم ذاكر في ثانوي يقولها "انا بعمل تجربة علمية ومش فاضي"، تعدي سنين وتقوله روح كليتك "مش فاضي"، قوم شوفلك شغلانة، شوفلك عروسة، هتتجوز امتا، هاتلك شقة، اللي قدك عندهم بدل العيل اتنين، اعمل فلوس، عمك مات، اختك بتتجوز، كفاية الناس بتتريق عليك وهوا "يا جدعاااااان بشتغل يا جدعان سيبوني بقا، بكرة تفتخروا بيا" ويكمل طقطقة في صوابعه .

المهم انه بعد خمسين سنة من تريقة اللي حواليه وحياته اللي كرسها للاختبار ده، خلص تجربته اللي قامت علي معدل ٣٦٥٠٠ مرة طقطق فيهم صوابع ايده الشمال بأنتظام، وعمل اشعة للمقارنة بين ايديه الاتنين ولقى انه مجالوش اي حاجة في المفاصل ومضعفتش وانها اسطورة من اساطير الاهالي عادي، واكتشف ان امه كانت غلطانة وكل الامهات كذلك.

طبعا لانه اكتشاف متخلف مغيرش حياة البشرية بجنية وياريته سمع كلام امه عادي، فا الدكتور دونالد كسب جايزة "ايج نوبل للاغبياء" اسنة ٢٠٠٩م للي بتتعمل للتريقة عالاكتشافات اللي ملهاش لازمة، والناس اتريقت عليه عادي ولحد النهاردة هو واحد من اشهر الامثلة اللي حصلوا علي الجايزة دي كواحدة من اشهر الاكتشافات اللي ملهاش اي لازمة في الدنيا .

شكرا ⁦♥️⁩

الأديب العالمي كافكا

الأديب العالمي كافكا ..قبل وفاته بسنة عاش تجربة عظيمة جدًا كتب عنها ..
في حديقة في برلين لفتت إنتباهه طفلة تبكي بُحرقة ، بسبب أنها فقدت دُميتها ، عرض عليها أن يساعدها في البحث لكنه لم يجد شيئا". فاقترح عليها أن ترجع لبيتها و أن يقابلها في اليوم التالي ليبحثوا مجددًا ..لكن في البيت ، قرّر كافكا أنه يكتب رسالة على لسان الدّمية للطفلة ؛ ويسلّمها لها في الموعد لأنّه كان واثقا أنّ الدّمية ضاعت للأبد
الرّسالة كانت :
صديقتي الغالية توقّفي عن البكاء أرجوكِ ، إنّي قرّرت السّفر لرؤية العالم و تعلٌم أشياء جديدة ،سأُخبرك بالتّفصيل عن كلّ ما يحدث لي يوميًا..عندما تقابلوا قرأ الرّسالة للطفلة التي لم تتوقف عن الابتسامة والفرحة وسط دموعها  .
وهذه لم تكن الرسالة الوحيدة، كانت البداية لسلسلة لقاءات ورسائل بينهم ،تحكي فيها الدّمية للفتاة عن مغامراتها وبطولاتها بأسلوب ممتع جميل جذّاب ..بعد إنتهاء المغامرات أهدى كافكا للبنت دمية جديدة كانت مختلفة تمامًا عن القديمة .
ومعها آخر رسالة على لسان الدُمية :
  (الأسفار غيّرتني ، لكن هذه أنا ) ..

كَبرت الفتاة و بقيت محتفظة بدمية كافكا إلى أن جاء يوم واكتشفت رسالة أخيرة ثانية كانت مخبّأة في معصم دميتها وجاء فيها :
الأشياء التي نُحبّ معرّضة للفقدان دومًا لكن الحبّ سيعود دومًا بشكل مختلف أنا على يقين أن الحب الذي أهديناهُ بقلبٍ مُخلصٍ لن يضيع، سيعود حتمًا لكن ليس بالضرورة أن ننتظره على ذات الأعتاب الذي بذلناهُ عندها ينبغي ألا ننشغل بالبكاء عليه في حين يتسللُ هو إلى قلوبنا من نافذةٍ أخرى أجمل

أول طالبة سوداء

الفتاة روبي بريدجز ، التي تبلغ من العمر 6 سنوات فقط ، تتم مرافقتها من قبل المندوبين الفيدراليين في لويزيانا عام 1964  ...
كانت بريدجز أول طالبة سوداء تدرس في مدرسة للبيض ، وشاركت في مشروع فيدرالي سعى لإنهاء التمييز العنصري في مدارس ولاية لويزيانا ، توجهت روبي بريدجز إلى مدرسة ويليام فرانز ، لقد تحلت بالشجاعة ودخلت مبنى المدرسة ووجدت المؤسسة فارغة، فقد رفض أعضاء هيئة التدريس تعليم الفتاة السوداء ، كما ان أولياء أمور الطلاب منعوا ابنائهم من الذهاب إلى المدرسة بعدها ، قبل مدرس واحد فقط أن يعلمها وقد فعل ذلك طوال تلك السنة . .  في نهاية اليوم الأول من الفصل الدراسي  كان ثلاثة من رجال الشرطة الفيدراليين  مسلحين ، ينتظرون روبي العظيمة لمرافقتها الى منزلها  أمام حشد من حوالي 1000 شخص اعتدوا عليها لفظيًا ، وبصقوا عليها وهددوها بالقتل .  ويذكر المندوب الفيدرالي تشارلز بيركس في وقت لاحق: "لقد أبدت الكثير من الشجاعة ، ولم تبكِ أبدًا، لقد كانت تسير مثل جندي صغير ، ونحن جميعًا فخورون بها ⁦❤️⁩

عدالة السماء

"اشهر يوتيوبر في اسبانيا دخل السجن " 😧

يوتيوبر شهير اسمه ReSeT في اسبانيا نشر فيديو وهو يقدم لمشرد أوريو محشو بمعجون أسنان و 20 يورو لكي ياكله ، ثم قام بتصويره هو يأكلها و نشر الفيديو بحسابه ليأخذ أكبر عدد من المشاهدات، فتم القبض عليه وحُكِم بـ15شهر سجن وغرامة حوالي 20,000 يورو
‏وإيقاف قناته في اليوتيوب لمدة 5 سنوات..
‏

اجدع مقلب في التاريخ

‏صورة نشرها ستيڤ مع جدته في التابوت وهو سعيد بوفاتها لأنه سيرث 900 ألف دولار لكنه تفاجأ بعد الدفن أنها تبرعت بكامل ثروتها وتركت له رسالة تقول :

" كلبي الصغير ستيڤ ، لقد تركت لك عكازي و طقم أسناني عسى أن تهترئ قدماك وتسقط أسنانك لتستفيد منهم ، أحصل عليهم قبل أن يأتي المالكين الجدد للمنزل "