١ - عادي اننا نبقي مختلفين
عادي ان واحد يبقي حالق شعره قصة عرف الديك و واحد لابس بنطلون احمر ، فيه اختلاف في الاذواق ، عادي جدا لازم نتقبله مش كل الناس هتبقي زيك .
٢ - خليك في حالك
لو انت بتستحمي في الجنينة بتاعة بيتك محدش هيبص عليك ، محدش بيبص جوه البيت ، محدش بيبص جوه العربية ، فيه حاجة اسمها خصوصية ، محدش هيخش بدماغه جوه حياتك .
٣ - الماركات دي اشتغاله
هتمشي في الشارع في اوروبا اي حد لابس ماركات كتير ، ده سايح زيك ، مش هتلاقي شاب عنده ٢٥ سنة و لابس شورت ارماني ، او تيشبرت عليها لوجو اندر ارمور بالكبير قوي .
٤ - نوطي صوتنا
الناس بتتكلم بصوت واطي الي حد كبير ، انت مش بتبقي سامع بيقولوا ايه ، فيه ذوق كده ، مفيش حاجة اسمها واحد يتكلم في التليفون يسمع الشارع كله مشكلته هو و مراته .
٥ - الخطوة السريعة
سواء انت مستعجل ، مش مستعجل ، الماشية الي كلنا بنمشيها في الشارع دي ، محدش بيمشيها برة غير ضباط الشرطة فقط ، لكن الناس كلها وشها في الارض ، او قدامها on a fixed point , و خطوات سريعة فحت ، سواء مروح ، خارج ، what ever , محدش بيمشي يتسكع كده ، كله بخطوة سريعة ، طبعا صحتهم كويسة فمساعداهم ، و الوقت ليه تمن عندهم .
٦ - بيناموا بدري
ان انت تنزل بعد الساعة ٨ بليل ده اختيارك ، بس ان انت تلاقي اي كشك سجاير حتي فاتح ده اختيار البلد ، ٩٠٪ من البلد بتقفل من ٦ ل ٨ بليل عشان يجبروا الناس تنام بدري عشان تصحي بدري .
٧ - البوليس في كل مكان بس انت مش شايفه
فيه فرق كبير بين ان انت تبقي ماشي شايف شرطة في كل مكان ، و ما بين هل فعلا الناس دول ليهم لازمة ولا لا . في اوروبا نادرا ما هتشوف البوليس ، بس هو علي طول شايفك ازاي ؟ الله اعلم .
٨ - مساعدة الغير
عادي جدا ان حد يضيع من وقته ٢٠ دقيقة عشان يساعدك انك تقطع تذكرة قطر او مترو لو انت مش فاهم .
٩ - و طبعا مش اوروبا كلها زي بعض
عشان هيدخل واحد يقولي غلط انا روحت و في واحد مساعدنيش ، في حالات شاذة لاي قاعدة ، و انا في بوستاتي كلها بتكلم علي القواعد مش علي الحالات الشاذة
١٠ - احترام القانون
انت محدش بيطلع يسالك علي تذكرة المترو او الاتوبيس ، لكن ٩٩٪ من الناس بتبقي قاطعاها ، هو اه فيه غرامة هتدفعها لو اتقفشت بس محدش بياخد ال risk , في امستردام مثلا الحشيش و جميع انواع المخدرات الي علي نفس درجة الحشيش كده مش عارف اساميهم بصراحة مش ممنوعة ، لكن متلاقيش اي حد رامي اي ورقة في الارض او في النهر ، القانون و تطبيقه لما بيكون صارم و فيه system بيخلي الناس حتي و هيا محششة تتبع القانون .
و حجات تانية كتير ممكن نقولها في بوست تاني .
ليست هناك تعليقات:
إرسال تعليق