مره وانا في بداية حياتي المهنية بتاعي بافتح الميل لقيت واحد زميلي باعت فيا ايميل زي الزفت وبصراحة كان مكتوب بضمير قوي ... مشرحني عالأخر ... وطبعاً زي أي شاب قليل الخبرة اتضايقت جداً وخدت الموضوع على أعصابي لاسيما انه كان حاطط في الCC المدير بتاعي اللي كنت باحبه وباحترمه جداً وكان يهمني أنه دايماً يكون شايفني في صورة كويسة.
في أخر اليوم رحت متصل بالمدير وقلتله انت إيه رأيك في الميل اللي فلان بعته فيا؟ رد عليا رد غريب جداً ... قالي أحمد أنا باعرف أفرق كويس بين ايميل مكتوب علشان مصلحة الشغل وايميل مكتوب علشان يضايق واحد علشان كده انا بعد ماقريت أول سطر من الميل ده ماكملتوش ومسحته.
لما سألته طيب انت شايف أتصرف إزاي مع اللي بعت الميل ده قالي ولا تعمل حاجة ... ولا كأنك قريته ... هو بعت الميل ده علشان يضربك عندي وانا بأقولك أنا ماقريتوش ... كبر دماغك ... وختم كلامه بالنصيحة اللي عمري ماهنساها ... قالي nobody can fight all his battles ... محدش يقدر يحارب كل معاركه وقالي لازم يبقى عندك الذكاء اللي يخليك تحدد أنهي معركة تدخلها وأنهي معركة تتجاهلها لأنك لو قعدت تضيع وقتك وتركيزك في معارك تافهة مش هيبقى عندك وقت ولا مجهود تركز في الحاجات اللي تطلعك لقدام.
طول مانت ماشي في حياتك هتلاقي ناس عاوزه توقعك وتشتت تركيزك ولو وقفت تشوف كل واحد من الناس دول عاوز ايه مش هتخلص ... ركز في هدفك وسيب اللي يصغر دماغه في حاجات تافهة يصغر دماغه مالكش دعوة بيه ماتخليهوش يستدرجك لمعركة تافهة ماحدش هيطلع منها كسبان لأنه هو ده اللي هو عاوزه بالظبط
r
في أخر اليوم رحت متصل بالمدير وقلتله انت إيه رأيك في الميل اللي فلان بعته فيا؟ رد عليا رد غريب جداً ... قالي أحمد أنا باعرف أفرق كويس بين ايميل مكتوب علشان مصلحة الشغل وايميل مكتوب علشان يضايق واحد علشان كده انا بعد ماقريت أول سطر من الميل ده ماكملتوش ومسحته.
لما سألته طيب انت شايف أتصرف إزاي مع اللي بعت الميل ده قالي ولا تعمل حاجة ... ولا كأنك قريته ... هو بعت الميل ده علشان يضربك عندي وانا بأقولك أنا ماقريتوش ... كبر دماغك ... وختم كلامه بالنصيحة اللي عمري ماهنساها ... قالي nobody can fight all his battles ... محدش يقدر يحارب كل معاركه وقالي لازم يبقى عندك الذكاء اللي يخليك تحدد أنهي معركة تدخلها وأنهي معركة تتجاهلها لأنك لو قعدت تضيع وقتك وتركيزك في معارك تافهة مش هيبقى عندك وقت ولا مجهود تركز في الحاجات اللي تطلعك لقدام.
طول مانت ماشي في حياتك هتلاقي ناس عاوزه توقعك وتشتت تركيزك ولو وقفت تشوف كل واحد من الناس دول عاوز ايه مش هتخلص ... ركز في هدفك وسيب اللي يصغر دماغه في حاجات تافهة يصغر دماغه مالكش دعوة بيه ماتخليهوش يستدرجك لمعركة تافهة ماحدش هيطلع منها كسبان لأنه هو ده اللي هو عاوزه بالظبط
ليست هناك تعليقات:
إرسال تعليق