فيليبس افضل سباح في التاريخ

فيليبس افضل سباح في التاريخ   ، نظرا لموهبته  الفذة  ، بس الموضوع عايز توفيق برده جدا ، الراجل ده بيعمل كل يوم معظم حياته ١٠ كيلو  ، لو بياخد ٢٠ شده في ال ٥٠ متر  ، يعني في ال ٢٥ سنة الي لعب فيهم سباحة عمل ٣٣ مليون شدة ، نسبة ان سباح في مستوي فيليبس و سرعته يتصاب في احد الشدات ال ٣٣ مليون عالية جدا ، بس ده محاصلش  ، طبعا نتيجة التمرين المنظم و الممنهج ، نتيجة طبعا العلم ، بس الكلام ده بيحصل مع اي حد جنبه و محدش بيحصله كده  ، التوفيق ده جيه منين بقي من وجهة نظري يعني كنوع من انواع النصيحة لينا كلنا ،

١ - عائلته ، الراجل ده من و هو صغير و هو بيحترم عائلته جدا ، سواء امه  ، اخواته  ، دايما بيظهروا معاه  ، دول اول ناس هو متغيرش عليهم لما بقي اعظم رياضي في التاريخ و دي في رايي اكبر علامات التوفيق لمعظم الناس الي انا شوفتهم نجحوا في حياتي . 

٢ - الراجل ده بيعمل حجات خير كتير ، في ٢٠٠٨ لما سبيدو قالوله هنديك مكافئة كبيرة لو جبت تمن ميداليات ذهب في الاولمبياد ، و دي حاجة صعبة جدا ، مصر من ساعة ما اتعملت بكل الناس الي لابسيين بدل دول مجابوش تلات ميداليات علي بعض و احنا ١٠٠ مليون دلوقتي في ٩٠ قبلهم في ٦٠ قبلهم و ها كذا .

٣ - فيليبس ساعتها  ، اخد الفلوس ، عمل بيها جمعية غير هادفة للربح ، اسمها Michael phelps foundation , عشان تعلم الناس العوم بهدف ان هما ميغرقوش ، لان الغرق من اكبر الاسباب الي بتتسبب في وفاة الاطفال في امريكا .

٤ - هو متبرعش بجزء من المبلغ ، لا ، هو اتبرع بالمبلغ كله و حتي مقالش اساسا ساعتها  ، مطلعش اتصور و لا عمل فيلم هندي .

٥ - دور هتلاقي بيل جييتس اعمال خير لا تنتهي في افريقيا ، دور هتلاقي مارك زوكيربيرج اتبرع بكل ثروته الي عملها من الفيس بوك ١٠٠٪ و بدا من جديد .

اهلك ، و الخير الي بتعمله  ، هيبقوا في ظهرك لما تحتاجهم .