أنا عندي حاجة نفسي أشارككم بيها.. يمكن حاجة غيرت حياتي و نظرتي للأمور.. أو حاجتين تلاتة الحقيقة..
أولهم كانت جملة من كتاب "طعام. صلاة. حب" بتاع إليزابيث جيلبرت كانت بتقول فيها إنها عاشت طول حياتها بتحاول السيطرة على الأمور و التحكم فيها لكن اللحظة اللي فعلا حررتها من ضغوط كتير في حياتها كانت اللحظة اللي هي تصالحت فيها مع فكرة إن مش كل الحاجات قابلة للسيطرة .. فكرة التسليم.. إن خلاص.. في حاجات في ايدينا نعمل عليها كنترول.. و دي حنحاول فيها و نعمل أحسن ما عندنا و حاجات تانية برة نطاق سيطرتنا.. و دي لازم متبقاش جزء من تفكيرنا. أصلا.
يعني مثلا لو عندي انترفيو. و حاموت ع ال شغلانة دي و قلقانة و ميتة و مرعوبة..
لازم نفكر كدة.. أنا إيه الحاجات الي في أيدي اللي ينفع اسيطر عليها.. اني أنام بدري و اصحى بدري. اني اكون مركزة و لبقة. اني اطبع السي في و اروح ف ميعادي و البس كويس..
اتقبل بقى أو متقبلش دي حاجة ليها علاقة بالأقدار و حسابات تانية خاارج نطاق طاقتي أنا أو قدرتي أنا كبشر.
الفكرة دي لو وصلتي لها فعلا. حتحررك.. حتحررك من كتير من الخوف و التوتر و القلق و الألم اللي إحنا بنسيب نفسنا فريسة ليه لأننا بنحاول نتجاوز حدود قدراتنا كبشر.. و نقلق و نزعل و نحبط و نغضب من حاجات مش في ايدينا أصلا..
الحاجة التانية.. واحد زميلي.. أمريكي أفريقي.. مرة كنت خايفة أوي من شئ معين مرتقب كمان أسبوعين و لما قولت له إني قلقانة الدنيا تبوظ قاللي كلمة فعلا غيرت حياتي برضه
"if you're gonna screw up, you're gonna screw up, worrying about it for two weeks won't change anything"
محاولش يقولي لا حاتبقى هايلة حاتبقى ممتازة حتبقى عظيمة.. لا.. طب ماشي اوك.. ها.. حاتنيلي الدنيا.. هل لو فضلتي تهري و تنكتي ف نفسك لمدة أسبوعين ده حيغير حاجة؟؟؟؟؟ .. ف خلاص. تاني. تعملي كل اللي عليكي و تبذلي قصارى جهدك و شكرا كدة خلاص. سلمي أمورك و اهدي لأن اللي حيحصل حيحصل...
الفكرة دي خلتني بعد كدة ف عز ما الطيارة كانت بتتهز و المضيفة بتقول "إحنا بنمر بمنطقة اضطرابات" .. بمنتهى الهدوء قولت الشهادتين و طلعت الكتاب اللي معايا قعدت اقرا فيه..
الحاجة التالتة و الأخيرة و آسفة إني طولت هي بقى حاجة قالهالي واحد تاني صديقي بريطاني كنت باقوله إن الكلب بتاع بنت خالتي عض خطيبي و إني حاسة بالذنب و إني أنا السبب عشان أنا قلعت الكلب الكمامة اللي كانت على بوقه.. قاللي بس انتي مكنتيش تعرفي. بس خلاص. انتي مكنتيش تعرفي إنه بيعض. و مكنتيش تعرفي إنه حايعضه.
بعدها قاللي بصي. مش لسة في قطر عامل حادثة و الناس ماتت؟ .. لو أنا كنت قولت لك خدي القطر بلاش الأتوبيس و اقنعتك تاخدي القطر و كمان حجزت لك ف القطر ده.. و بعدها القطر ولع.. أنا ماليش ذنب.. أنا ماليش دعوة.. و مش حالوم نفسي.. لأني مكنتش اعرف إن حيحصل كدة.. بسسسسسس. يبقى خلاص. ده قدر و حصل. أنا ماليش دخل فيه.
أنا عارفة إن يمكن الكلام ده قد يبدو بديهي للبعض. بس يمكن في ناس زيي كانت بتحمل نفسها فوق طاقتها من مشاعر سلبية من قلق و خوف و توتر و كمان ندم و ذنب و خزي بينما لو الواحد فكر ف نفسه كإنسان محدود القدرات و العلم و المعرفة حيبطل يجلد نفسه بالشكل ده..
و بس.. أرجو إن كلامي يوصل لحد كان محتاج يسمعه و ياريت اكون عرفت اوصل وجهة نظري. و شكرا
أولهم كانت جملة من كتاب "طعام. صلاة. حب" بتاع إليزابيث جيلبرت كانت بتقول فيها إنها عاشت طول حياتها بتحاول السيطرة على الأمور و التحكم فيها لكن اللحظة اللي فعلا حررتها من ضغوط كتير في حياتها كانت اللحظة اللي هي تصالحت فيها مع فكرة إن مش كل الحاجات قابلة للسيطرة .. فكرة التسليم.. إن خلاص.. في حاجات في ايدينا نعمل عليها كنترول.. و دي حنحاول فيها و نعمل أحسن ما عندنا و حاجات تانية برة نطاق سيطرتنا.. و دي لازم متبقاش جزء من تفكيرنا. أصلا.
يعني مثلا لو عندي انترفيو. و حاموت ع ال شغلانة دي و قلقانة و ميتة و مرعوبة..
لازم نفكر كدة.. أنا إيه الحاجات الي في أيدي اللي ينفع اسيطر عليها.. اني أنام بدري و اصحى بدري. اني اكون مركزة و لبقة. اني اطبع السي في و اروح ف ميعادي و البس كويس..
اتقبل بقى أو متقبلش دي حاجة ليها علاقة بالأقدار و حسابات تانية خاارج نطاق طاقتي أنا أو قدرتي أنا كبشر.
الفكرة دي لو وصلتي لها فعلا. حتحررك.. حتحررك من كتير من الخوف و التوتر و القلق و الألم اللي إحنا بنسيب نفسنا فريسة ليه لأننا بنحاول نتجاوز حدود قدراتنا كبشر.. و نقلق و نزعل و نحبط و نغضب من حاجات مش في ايدينا أصلا..
الحاجة التانية.. واحد زميلي.. أمريكي أفريقي.. مرة كنت خايفة أوي من شئ معين مرتقب كمان أسبوعين و لما قولت له إني قلقانة الدنيا تبوظ قاللي كلمة فعلا غيرت حياتي برضه
"if you're gonna screw up, you're gonna screw up, worrying about it for two weeks won't change anything"
محاولش يقولي لا حاتبقى هايلة حاتبقى ممتازة حتبقى عظيمة.. لا.. طب ماشي اوك.. ها.. حاتنيلي الدنيا.. هل لو فضلتي تهري و تنكتي ف نفسك لمدة أسبوعين ده حيغير حاجة؟؟؟؟؟ .. ف خلاص. تاني. تعملي كل اللي عليكي و تبذلي قصارى جهدك و شكرا كدة خلاص. سلمي أمورك و اهدي لأن اللي حيحصل حيحصل...
الفكرة دي خلتني بعد كدة ف عز ما الطيارة كانت بتتهز و المضيفة بتقول "إحنا بنمر بمنطقة اضطرابات" .. بمنتهى الهدوء قولت الشهادتين و طلعت الكتاب اللي معايا قعدت اقرا فيه..
الحاجة التالتة و الأخيرة و آسفة إني طولت هي بقى حاجة قالهالي واحد تاني صديقي بريطاني كنت باقوله إن الكلب بتاع بنت خالتي عض خطيبي و إني حاسة بالذنب و إني أنا السبب عشان أنا قلعت الكلب الكمامة اللي كانت على بوقه.. قاللي بس انتي مكنتيش تعرفي. بس خلاص. انتي مكنتيش تعرفي إنه بيعض. و مكنتيش تعرفي إنه حايعضه.
بعدها قاللي بصي. مش لسة في قطر عامل حادثة و الناس ماتت؟ .. لو أنا كنت قولت لك خدي القطر بلاش الأتوبيس و اقنعتك تاخدي القطر و كمان حجزت لك ف القطر ده.. و بعدها القطر ولع.. أنا ماليش ذنب.. أنا ماليش دعوة.. و مش حالوم نفسي.. لأني مكنتش اعرف إن حيحصل كدة.. بسسسسسس. يبقى خلاص. ده قدر و حصل. أنا ماليش دخل فيه.
أنا عارفة إن يمكن الكلام ده قد يبدو بديهي للبعض. بس يمكن في ناس زيي كانت بتحمل نفسها فوق طاقتها من مشاعر سلبية من قلق و خوف و توتر و كمان ندم و ذنب و خزي بينما لو الواحد فكر ف نفسه كإنسان محدود القدرات و العلم و المعرفة حيبطل يجلد نفسه بالشكل ده..
و بس.. أرجو إن كلامي يوصل لحد كان محتاج يسمعه و ياريت اكون عرفت اوصل وجهة نظري. و شكرا
ليست هناك تعليقات:
إرسال تعليق