عشان نعرف احنا وصلنا لفين وبنتطور ازاى، مهم جدا نعرف البداية كانت ازاى والنقلة تمت كيف...
الراجل اللى ف الصورة ده اسمه "تايتشى اونو" .. مهندس يابانى زار أمريكا وتحديدا مصانع فورد لانتاج السيارات هوا ومجموعة من المهندسين اليابانيين عشان يتعلموا عن ال mass production ويرجعوا ينقلوا اللى اتعلموه لليابان.
وطبعا ال mass production هى ببساطة انك تحصل على اعلى انتاجية من الافراد والمعدات والجماعة الامريكان كانوا بيعملوا دا انهم بيشغلوا الافراد والماكينات لأقصى طاقتهم لعمل مخزون لقطع الغيار واللى بيتاخد منها لخط تجميع السيارة والخط دا مش بيوقف لأى سبب الا بأوامر عليا لان وقفته فلوس طبعا، ودا كان بيتسبب ان بعض السيارات اللى بيتم تصنيعها كان بيبقى فيها عيوب.
دى كانت بعض ملاحظات "أونو " واللى منها بدأت فلسفة اللين ودى اللى وصلت بشركة تويوتا انها تنتج سيارة كل ١٧ ساعة تقريبا، عشان كدا بيعتبروا "اونو" هو الاب الروحى لشركة تويوتا
Father of Toyota Production System
لان نقلهم بفكر جديد للى هما فيه دلوقتى.
اللين ببساطة عبارة عن فلسفة أو فكر هدفها تعظيم القيمة لدى العميل وتسليم منتجات عالية الجودة بأقل تكلفة وأفضل وقت بدون ما يكون عندك أى شىء ف المخزون. وطبعا ليها مبادىء وبعض الأدوات اللى ممكن تستخدمها لتحقيق دا، واللى كتير من أصدقائى الأفاضل اتكلموا عنها بالتفصيل م/أحمد سعيد وم/ياسين جمال.
طب ايه علاقات دا بالمشاريع الإنشائية؟؟
دا سؤال مهم .... حديثا معظم رواد الادارة ف العالم لقيوا ان الطريقة التقليدية اللى بتدار بيها المشاريع خصوصا الإنشائية منها أصبحت outdated وعفا عليها الزمن ومش بتجيب نتايج كويسة. عشان كدا بدأوا يشوفوا طرق جديدة لإدارة المشاريع ومن ضمنها اللين.
صحيح ان اللين بدأت ف مجال الصناعات وحققت نتايج مذهلة وزى ما قلنا وصلت بشركة تويوتا انها تنتج سيارة كل ١٧ ساعة بالمواصفات اللى طالبها العميل وبأعلى جودة وأقل تكلفة ومش كدا وبس دا ومن غير ما يكون عندها مخازن لانها بتعتمد على مبدأ JIT او Just in Time
المهم حاليا اللين بتتطبق فى مجال المشاريع الإنشائية وجابت نتائج مذهلة خصوصا لما بيتم استخدامها مع Last Planner System
لان ببساطة بتعتبر المشروع كعملية كبيرة One Large Operation
وبتبدأ تشتغل على Flow وتشيل العمليات الغير ذات نفع من البروسيس وبالتالى بتحسن من الجودة عن طريق تحسين الإجراءات المستخدمة ودا بيقلل التكلفة والوقت، فبتعمل تحسين مستمر.
بشتغل ف بحث الدكتوراه بتاعى فى اللين من ٢٠١٥ وقريت عشرات الأبحاث ودرست حالات كتير لمشاريع طبقت اللين (مش ف المنطقة العربية) وازاى قدرت المشاريع دى انها تنجح بفكر اللين وتحقق القيمة المطلوبة للمالك بأعلى جودة وأقل تكلفة وفى أقل مدة زمنية.
وعلى فكرة انت ممكن تكون بتطبق اللين فى شركتك أو المؤسسة اللى بتشتغل فيها، الموضوع بسيط وتقدر لو استخدمته بأسلوب مرتب ومنظم مع بعض الأدوات اللى بتعرضها اللين انك تضمن تحقق أهداف المشروع اللى بتشتغل فيه.
فاللين هوا المستقبل او بمعنى آخر التطور الطبيعى.
الراجل اللى ف الصورة ده اسمه "تايتشى اونو" .. مهندس يابانى زار أمريكا وتحديدا مصانع فورد لانتاج السيارات هوا ومجموعة من المهندسين اليابانيين عشان يتعلموا عن ال mass production ويرجعوا ينقلوا اللى اتعلموه لليابان.
وطبعا ال mass production هى ببساطة انك تحصل على اعلى انتاجية من الافراد والمعدات والجماعة الامريكان كانوا بيعملوا دا انهم بيشغلوا الافراد والماكينات لأقصى طاقتهم لعمل مخزون لقطع الغيار واللى بيتاخد منها لخط تجميع السيارة والخط دا مش بيوقف لأى سبب الا بأوامر عليا لان وقفته فلوس طبعا، ودا كان بيتسبب ان بعض السيارات اللى بيتم تصنيعها كان بيبقى فيها عيوب.
دى كانت بعض ملاحظات "أونو " واللى منها بدأت فلسفة اللين ودى اللى وصلت بشركة تويوتا انها تنتج سيارة كل ١٧ ساعة تقريبا، عشان كدا بيعتبروا "اونو" هو الاب الروحى لشركة تويوتا
Father of Toyota Production System
لان نقلهم بفكر جديد للى هما فيه دلوقتى.
اللين ببساطة عبارة عن فلسفة أو فكر هدفها تعظيم القيمة لدى العميل وتسليم منتجات عالية الجودة بأقل تكلفة وأفضل وقت بدون ما يكون عندك أى شىء ف المخزون. وطبعا ليها مبادىء وبعض الأدوات اللى ممكن تستخدمها لتحقيق دا، واللى كتير من أصدقائى الأفاضل اتكلموا عنها بالتفصيل م/أحمد سعيد وم/ياسين جمال.
طب ايه علاقات دا بالمشاريع الإنشائية؟؟
دا سؤال مهم .... حديثا معظم رواد الادارة ف العالم لقيوا ان الطريقة التقليدية اللى بتدار بيها المشاريع خصوصا الإنشائية منها أصبحت outdated وعفا عليها الزمن ومش بتجيب نتايج كويسة. عشان كدا بدأوا يشوفوا طرق جديدة لإدارة المشاريع ومن ضمنها اللين.
صحيح ان اللين بدأت ف مجال الصناعات وحققت نتايج مذهلة وزى ما قلنا وصلت بشركة تويوتا انها تنتج سيارة كل ١٧ ساعة بالمواصفات اللى طالبها العميل وبأعلى جودة وأقل تكلفة ومش كدا وبس دا ومن غير ما يكون عندها مخازن لانها بتعتمد على مبدأ JIT او Just in Time
المهم حاليا اللين بتتطبق فى مجال المشاريع الإنشائية وجابت نتائج مذهلة خصوصا لما بيتم استخدامها مع Last Planner System
لان ببساطة بتعتبر المشروع كعملية كبيرة One Large Operation
وبتبدأ تشتغل على Flow وتشيل العمليات الغير ذات نفع من البروسيس وبالتالى بتحسن من الجودة عن طريق تحسين الإجراءات المستخدمة ودا بيقلل التكلفة والوقت، فبتعمل تحسين مستمر.
بشتغل ف بحث الدكتوراه بتاعى فى اللين من ٢٠١٥ وقريت عشرات الأبحاث ودرست حالات كتير لمشاريع طبقت اللين (مش ف المنطقة العربية) وازاى قدرت المشاريع دى انها تنجح بفكر اللين وتحقق القيمة المطلوبة للمالك بأعلى جودة وأقل تكلفة وفى أقل مدة زمنية.
وعلى فكرة انت ممكن تكون بتطبق اللين فى شركتك أو المؤسسة اللى بتشتغل فيها، الموضوع بسيط وتقدر لو استخدمته بأسلوب مرتب ومنظم مع بعض الأدوات اللى بتعرضها اللين انك تضمن تحقق أهداف المشروع اللى بتشتغل فيه.
فاللين هوا المستقبل او بمعنى آخر التطور الطبيعى.
ليست هناك تعليقات:
إرسال تعليق