مينفعش وانت بتصلى!!

مينفعش وانت بتصلى!!

1-مينفعش تبقا بتصلي ومش عارف ان الفاتحه بيتقرأ سوره جمبها ف اول ركعتين بس وباقى الركعات الفاتحه بس
➖➖
2-مينفعش تبقا بتصلي ومش عارف انك بتبص ف موضع السجود وانت واقف وف مستوى نظرك وانت راكع وع صوبع التشهد وانت بتقول التحيات مش بنبص ف اى حته
➖➖
3-مينفعش تبقا بتصلي ومش عارف ان فيه جلسه اسمها التورك فى تشهد النص يعنى رجلك اليمين مصبوبه ورجلك الشمال مايله تحتها وجلسه الافتراش بتقعد على مؤخرتك ورجلك الشمال تحت اليمين ف التشهد الاخير
➖➖
4-مينفعش تبقا بتصلي ومش عارف ان ايدك بتتحط على ركبتك وانت راكع مش فوق او تحت وبتملك الركعبه كلها وصوبعك مفتوحه مش مقفوله
➖➖
5-مينفعش تبقا بتصلي ومش عارف ان ايدك مبتترفعش بالدعاء فى سمع الله لمن حمده  ولكن بتتحط اعلى صدرك او اسفله او ع صدرك زى اول وضع بتعمله بعد تكبيره الاحرام👏👏
➖➖
6-الدعاء ف سمع الله لمن حمده مش ربنا ولك الحمد والشكر خالص دى ‏#بدعه ✋✋ ولكن ربنا ولك الحمد حمدا طيبا كثيرا مباركا فيه
➖➖
7-مفيش حرما وجمعا وتقبل الله بعد الصلاه بس اللى يمدلك ايده سلم وابتسم يا سيدي عشان متكسفهوش
➖
8-مينفعش تبقا بتصلي ومش عارف ان فيه سجده شكر بتسجدها لما تحصلك حاجه حلوه
وسجده تلاوه بتسجدها لما تسمع او تقرء ايات معينه فى القرآن زى (واسجد واقترب) يعنى انتوا المفروض دلوقتى تسجدوا سجده تلاوه طيب بتتسجد ازاى قوم واسجد و اذكر ربنا ف السجود زى سبحان من سجد له وجهى اوسبحان ربى الاعلى
➖➖
9-لما تبقا جنابه نام وانتا متوضي عشان ف افرازات بتاكل العمود الفقرى وبتجيب امراض الظهر والرسول عليه الصلاه والسلام لما كان بيبقى جنابه كان بينام ع وضوء✋✋
➖➖
10-بعد الصلاه الملائکه بتدعيلك فمتستعجلش وتقوم وقول ايه الكرسى و#دعاء(( ربى اعنى على ذكرك وشكرك وحسن عبادتك))👌👌او ((اللهم انت السلام ومنك السلام تباركت يا ذا الجلال والاكرام))
واذكر الباقيات الصالحات33مره (سبحان الله، الحمد لله، الله أكبر) ♥️
➖➖
11-بين السجدتين الناس بيقولوا حاجه كده هى ((ربى اغفر لى) 3مرات او((ربى اغفر لى وارحمنى وارزقنى واهدنى)) ✔️✔️👌
➖➖
12-في سجدتين سهو لو نسيت حاجه ف الصلاه لو شاكك بالنقص والشك قبل السلام بعد التحيات لو شاك انك زودت ركعات بتسلم وتسجدهم وترجع تسلم تانى
➖➖
13-السنن مش حاجه ملهاش لازمه او حاجه اضافيه انتا هتحتاجهم جدا يوم القيامه لما يعوضوا نقص الفرض ونقص الصلاوات الى انت مش فاكر صلتها ولا لا 💔
➖➖
14-واحنا بنتوضىء البوق والمناخير بيتغسلوا بغرفه واحده باليمين وتنثرهم بالشمال مش بنفس الايد والوش من منبت الشعر لحد الدقن
ووضوء الكوع من الايد لحد الكوع مش من المعصم لحد الكوع والاذن مره واحده مع الشعر مش 3❤

الحمد لله فى زحام من النعم

بقالى ساعه بلف بالعربيه عشان الاقي ماكينه ATM فاضيه عشان اعرف اسحب فلوس ومش لاقي  يا عطلانه يازحمه جداااا..مشيت كتييير عشان الاقي وآخر مازهقت لقيت واحده خفيفه شويه
نزلت متأفف جدا انى هقف ف الطابور ..المهم وقفت ...
لاحظت الراجل اللى قدامى حد ف أوائل الخمسينات من عمره ومن الطبقه المطحونة...الراجل كان عرقان جدا وجسمه بيتنفض مع ان الجو مش حر ولا حاجه بس ماركزتش اوى معاه ....
بعد شويه لقيته بيقولى " هستاذنك بس تحجزلى المكان عشان مش قادر أقف وخايف اقعد يروح عليا دورى"
فقلت له اتفضل ودورك محجوز....
الراجل قعد ع الرصيف اللى جنبي وبدأ ينشف العرق اللى مغرقه ورافع ايديه للسما وبيقول  "يارب وحياة حبيبك النبي انا مينفعش خالص اعيا انهارده بالذات خد بإيدى بس لحد بكره يارب والنبي"
الراجل كان بيتوسل لربنا انه ميتعبش بطريقه لفتت انتباهى ...قربت منه وسالته "انت كويس؟"
قالى كلمه هزتنى بجد "الحمد لله فى زحام من النعم "
بقوله واضح انك تعبان طيب ماتروح لاقرب دكتور ...
لقيت الراجل عينيه دمعت وهو بيقولى  ماينفعش اتعب يا استاذ دى رفاهيه انا مش ادها ...
انا زوجتى متوفيه من 8 سنين وعندى 4 ولاد كبيرهم فى الكليه ومحتاج مصاريف كليته انهارده ووعدته انى هقبض واروحله الجامعه اديهومله ...التلاته التانيين ف ثانوى واعدادى وكتر خير والدتى كانت بتراعى ولادى بعد موت مراتى ...
لكن دلوقت أمى كمان مريضه مرض موت وبراعيها هى وعيالى. ..
انا موظف حكومة مرتبى 2700 جنيه وبشتغل بعد الضهر عامل توصيل  مطعم بالفين جنيه وكل ده مش ملاحق ع البيت والولاد والدروس ومصاريف علاج والدتى ....
صاحب البيت كاسر عليا ايجار متأخر وآخر معاد انهارده عشان ياخد نص فلوسه بعد محايلات منى وم الجيران عشان ميرميش عفشي وامى المريضة وعيالى ف الشارع
انا وقفت قدام كلام الراجل مش عارف اقول ايه ....
الراجل عنده كل ده وبيقولى"الحمد لله فى زحام من النعم "
وأنا اللى ظروفي احسن منه مليون مرة متضايق ومخنوق ...كأنه ادانى قلم على وشي وقالى انت جاحد بنعم ربنا ...
المهم بعد ما صرف الفلوس اخدته المستشفي بعد محايلات منى واصريت استناه واوصله بيته بالعربيه ...عشان اتفاجئ بمفاجأة  اكبر ...
والدته ف التمانيين من عمرها وكفيفه وراقده على فراش الموت وكل كلامها حمد لله على نعمه وشكر لله على واسع فضله ...
بصيت حواليا اشوف واسع فضل الله اللى بتشكره عليه لقيت بيت عباره عن دور ارضي حيطانه اكل عليها الزمان وشرب وكله رطوبة
الفرش سريرين ودولاب وكنبتين بلدى وحصيره.......
لسه ببص حواليا لقيت الباب بيخبط وطلع كلامه حقيقي كان صاحب البيت عاوز فلوسه وداخل يزعق ويتوعد ويهدد بطرده.....
المهم بعد تدخل منى ورفض شديد من الراجل المحترم ده اللى علمنى درس عمرى
كان رافض تماما انى ادفع الفلوس بتاعة الايجار
دفعت الفلوس لصاحب البيت ومعاهم ايجار سنه مقدم واخدت منه إيصالات الايجار واديتهاله ....
الراجل فضل يعيط زى الأطفال ويقولى " انت طلعتلى منين ؟...انا طول الليل منمتش وعمال اصلى وادعى ربنا يسترنى وماتفضحش قدام الجيران ف الشارع"
 قلتله ربنا عطل لك 4 ماكينات صرافه وزحم 6 ماكينات تانيين عشان يبعتنى ليك من المعادى لحلوان القديمه
وبعتك انت كمان ليا عشان تعلمنى اتأدب مع ربنا ف ابتلائي.

#منقووووووول

السادة اللي عمرهم من ٤٠-٥٠ سنة يجهزوا نفسهم .. انتم الآن في افضل سن لفتح شركة ناجحة :)

بحث أمريكي عبر موقع Harvard business review يشير إلى أن الشركات (ستارت آب) التي يبدأها أصحابها في عمر الأربعين لنهاية الخمسين هي الأنجح في عالم الأعمال، وبحسب البحث تعدو الأسباب إلى النضج الفكري، والخبرة العملية، والقدرة على الاستمرار في العمل، خاصة وأن أول خمس سنوات من عمر أي شركة هو حالة تعثر ونجاح، والأمر يحتاج لنفس طويل...

السادة اللي عمرهم من ٤٠-٥٠ سنة يجهزوا نفسهم .. انتم الآن في افضل سن لفتح شركة ناجحة :)

إنها امرأة واحدة بموقف واحد غيرت مجرى التاريخ.

في الولايات المتحدة  عام ١٩٥٥م ركبت الخياطة الشابة
( روزا باركس) الحافلة  لتعود إلى البيت.
  وفي الحافلة  وجدت مقعدا فارغا فجلست فيه

  وبعد قليل دخل راكب ووقف أمامها لتعطيه مكانها
 - وذلك بموجب القانون الأمريكي في الخمسينيات الذي يلزم السود بالتخلي عن مقاعدهم للبيض في الأماكن العامة  -
   قررت ( روزا) أن تتخذ موقفا شجاعا ، كان سببا في رفع معاناة ملايين السود وهو ألا تقوم للرجل الأبيض وتخالف بذلك القانون
   فهاج البيض وتوقف سائق الحافلة الذي اجبرها ان تترك المقعد للرجل الابيض
  ولكنها رفضت التحرك من مقعدها
 دقائق ووصلت الشرطة فقامت بإلقاء القبض عليها، وقدمتها إلى المحكمة التي فرضت عليها غرامة مالية
لكنهارفضت دفعها فتم إيداعها في السجن.

  وهنا أعلن السود الإضراب عن ركوب الحافلات واستمر الإضراب ٣٨١ يوما
حتى صدر قرار المحكمة العليا في واشنطن عام ١٩٥٦م الذي حرم التمييز العنصري في الحافلات
  ثم صدر قانون الحريات المدنية عام١٩٦٤م  الذي حرم التمييز على أساس العرق.

  إنها امرأة واحدة بموقف واحد غيرت مجرى التاريخ.

  توفيت ( روزا ) عام ٢٠٠٥

12 قانونا في علم النفس إذا فهمتها وبدأت بتطبيقها ستغير حياتك : -

12 قانونا في علم النفس إذا فهمتها وبدأت بتطبيقها ستغير حياتك : -

1- "قانون الراحة النفسية" .. 

الانسحاب من الفوضى لا يقدر بثمن

2- "قانون الذكاء العقلي" .. 

التجاهل يعيد كل شخص إلى حجمه الطبيعي مهما كان

3- "قانون الاستغناء" .. 

ليس كل ما تستغني عنه خسارة ، بعض الأمور الاستغناء عنها بداية أفضل

4- "قانون تطوير الذات" .. 

أوجد لك مكانا في القمة ففي القاع ازدحام شديد

5- "قانون إثبات الذات" .. 

قم بين حين وحين بتحديث قوانينك وأسلوبك حتي تصبح واضحاً ومميزاً للجميع

6- "قانون التمييز" .. 

أن تبدع بأسلوب وأنت في قمة الاسترخاء ويقلدك الجميع

7- "قانون التحدي" .. 

أن توجد لك مكانا بين الكبار ، ويعترف به

8- "قانون إدارة الوقت" .. 

كن كالسفينة التي تمشي بين الأمواج بالعلم والمعرفة

9- "قانون الأهداف" .. 

حياة من غير هدف ، مثل جسد من غير روح ، الاثنان ليس لهما قيمة 

10- "قانون الوعي" .. 

إن لم تدرك أخطاءك فلن تتعلم الصواب

11- "قانون التعلم" .. 

إن لم تتألم لن تتعلم

12- "قانون التغيير" .. 

إن لم تتغير فأنت تخسر حياتك ..

"الشغل ما بيقفش على حد"

"الشغل ما بيقفش على حد"

من كلام الكبار اللي بنسمعه كتير في معظم الشركات في هذا الجزء من العالم كلمة "الشغل ما بيقفش على حد" ..
 أول ماتلاقي حد عاوز يسيب الشركة تلاقي مديرة يروح ينزل ضهر الكرسي لحد ما يبقى شيزلونج وياخد نفس من الشيشة ويقول له ربنا يوفقك عموماً الشغل ما بيوقفش على حد ..

الكلمة دي عادة بتتقال قبل ما المدير حتى يكلف خاطره أنه يسأل الموظف هو عاوز يمشي ليه وبغض النظر عن كون الموظف ده موظف كويس ولا لأ ...
أي حد عاوز يمشي مع السلامة الشغل مابيقفش على حد ...

طبعاً ده لا كلام كبار ولا نيله ده كلام بقالين ماعندهمش أدنى فكرة عن أبسط قواعد البيزنس
وهو ما أختصره خالد الذكر جاك ويلش حين قال Company is people الشركة عبارة عن موظفين ولو مافيش موظفين مافيش شركة ولو مافيش موظفين كويسين مافيش شركة كويسة

ولو كان موضوع أن الشغل ما بيقفش على حد ده في أدنى درجة من درجات الصواب ماكنتش الشركات المحترمة تعمل حاجه أسمها retention plan علشان تحافظ على الموظفين الكويسين وتخليهم مايمشوش

و لو الشغل مابيقفش على حد ماكنش هيبقى في حاجة أسمها exit interview للموظف لما ييجي ماشي من الشركة علشان الشركة تعرف الموظفين بيمشوا ليه فيتجنبوا الأسباب اللي بتخلي الموظفين الكويسين يمشوا فيشتغلوا على الأسباب دي علشان الناس الكويسين مايمشوش

ولوالشغل مابيقفش على حد ماكنش يبقى الturnover العالي للموظفين يعتبر من المؤشرات السلبية لإدارة الشركة بصفة عامة والHR بصفة خاصة

ولو الشغل مابيقفش على حد ماكنش يبقى في حاجة إسمها regretted loss في الموظفين

وهنا يبقى السؤال ليه موضوع الشغل مابيقفش على حد مابنسمعوش في الشركات المحترمة وبنسمعة في الشركات التعبانه حتى لو كانت بتحاول تعمل نفسها محترمة؟

الإجابة ببساطة أنه الشركات المحترمة فاهمين أنه الهدف الأساسي للبيزنس هو تعظيم الربحية profit maximization ففكرة أنه موظف بيكسبها فلوس يمشي معناها خسارة فلوس وده موضوع خطير جداً

(( أما الشركات التعبانه فهي الحقيقة أقرب للNGOs أو المؤسسات الغير هادفة للربح منها للشركات وبيبقى الهدف الأساسي منها تقديم خدمات إجتماعية للمديرين اللي مسيطرين عليها وكل موهبتهم في الحياة أنهم بيعرفوا يقرطسوا الowner بشكل أو بأخر ))

فبالتالي كون الشركة كويسة ولا تعبانه مش ده المهم المهم إنها مكفياهم ومعيشاهم ملوك وبتديهم مرتبات ومزايا مش هيلاقوا ربعها لو خرجوا بره بل على العكس كل ما الناس الكويسين يمشوا ده أحسن ليهم لأن الناس الكويسين بيمثلوا خطر عليهم ...

خلاصة الموضوع أول ماتلاقي مدير بيقول الشغل مابيقفش على حد أعرف أنك بتتعامل مع بقال حتى لو بيلبس بدله وقاعد على مكتب والناس بتقوله يا مستر او يا دكتور .
#منقول

عشان كدة بيسموا مصر أم الدنيا.........

لو بصيت للصعيد هتلاقي أصول عربية من اليمن و نجران و عسير و مطيرة و الغوامد و جهينة و وادي الدواسر و بعض العوائل أصلها من حلب الشام ولازالوا لغاية النهاردة اسمهم الحلب و دا من مسميات العار.........
و لو رحت محافظات الدلتا هتلاقي أصول شركسية و تركية و أوروبية و هتلاقي أصول مختلطة مابين العرب و الإفرنج........
ولو مشيت ناحية القنال هتلاقي حركة هجرة داخلية من كافة مجتمعات مصر وقت افتتاح قناة السويس لبورسعيد اللي أرضها بتحتضن كافة اﻷصول المصرية وبعض اﻷصول العربية و السويس شرحها لكن مع بعض اﻷصول التركية و الفلسطينية........
لو رحنا سينا هنلاقي في الجنوب و الشمال بدو من شبه الجزيرة العربية ماعدا قلة في الشمال السيناوي من أصول فلسطينية نزحوا قبل وبعد مايسمى إعلاميا ب (النكبة) و عرايشية كانوا في اﻷصل من عمال الحامية التركية فضلوا البقاء حتى بعد انهيار الخلافة العثمانية..........
بلاد النوبة و بدايتها أسوان و حتى حدود مصر الجنوبية من أصول زنجية هاجرت إلى المنطقة من كردفان ودارفور في غرب السودان عبر الصحراء الكبرى لوادي النيل ومنها للمناطق الشرقية المتاخمة و يقال انهم من نسل كوش ابن حام ابن نوح (دا لو في حد اسمه حام ابن نوح أصلا)......!!
في الشمال هنلاقي اسكندرية اليونانية الإغريقية المقدونية وفي الغرب هنلاقي سيوة و الفرافرة و مطروح ذات اﻷصل المغاربي الأمازيغي........
عشان كدة بيسموا مصر أم الدنيا.........
لما السلاح الناري دخل مصر في العهد المملوكي كان عبارة عن مسدس شكل فرد الخرطوش و المماليك سموه (الغدارة) عشان بيغدر و بيصطاد الضحية من بعيد بدون مواجهة مباشرة........
المماليك عبارة عن أطفال مخطوفين من أهاليهم في روسيا و أوروبا الشرقية و بيتباعوا في الاسواق و المملوك وهو صغير كان بيبقى اسمه (السراج) عشان بينور فراش سيده ، ولما بيكبر بيربي دقنه و يبقى اسمه (خشداش) يعني من كبار المماليك.........
وزارة المالية أيام الحكم العثماني كام اسمها (الدفترخانة) يعني (بيت الدفاتر) و كلمة (أجزاخانة) معناها (بيت اﻷجزا) اللي هي اﻷدوية و (الشفاخانة) يعني بيت الشفا أو المستشفى ، و بيوت الدعارة كان اسمها (كارخانة) يعني بيت السيكو سيكو وفي العهد المملوكي كان اسمها (مواخير) و مفردها (ماخور)...........
محمد علي باشا كان تاجر معسل و تبغ و كان أمي مبيعرفش يقرا ولا يكتب لغاية ما تم 45 سنة..........
سبب تسمية الفجالة بالإسم ده انها كانت أرض زراعية أهلها متخصصين في زراعة الفجل.......
أول ست اتعدمت في التاريخ المصري الحديث كانت (ريا) ووقفت وقالت انها فخورة كونها وقفت على مكان مبيقفش فيه غير الرجالة و اللي نفذ فيها الحكم كان الصول (أحمد العشماوي) عشان كدة إسم عشماوي مرتبط بكل اللي شغلوا الوظيفة دي قديما أو حديثا على مدار التاريخ.........
لغاية سنة 1946 كانت الدعارة برخصة بتتجدد كل 6 شهور و كانت فتاة الليل بتخضع للكشف الطبي وقت تجديد الرخصة ، و الشخص اللي كان مسئول عن صيد الزباين كان له رخصة برضو وكانت بتتجدد كل سنة و بيتكتب فيها المهنة (عرص) و أول عرص في التاريخ كان اسمه (قرني) عشان كدة إسم قرني مرتبط بكل عرص قديما أو حديثا على مدار التاريخ........!!